Mamlakatimiz Prezidentining 2022-yil 30-maydagi “O‘zbekiston Respublikasining seysmik xavfsizligini taʼminlash tizimini yanada takomillashtirish chora-tadbirlari to‘g‘risida”gi Farmoni ijrosini taʼminlash maqsadida Agentlik xodimlari uchun Toshkent shahar Yakkasaroy tuman Favqulodda vaziyatlar bo‘limi mutaxassislari tomonidan o‘quv mashg‘uloti o‘tkazildi. 

Unda Agentlik xodimlariga mazkur Farmonning mazmun-mohiyati, xususan, O‘zbekiston aholisi va hududining seysmik xavfsizligini taʼminlash tizimini takomillashtirish bo‘yicha amalga oshirilayotgan ishlar bo‘yicha batafsil maʼlumot berildi.

Shuningdek, zilzilalarning vujudga kelish mexanizmi va tabiati, bunday favqulodda vaziyatlarda qanday yo‘l tutish kerakligi tushuntirildi. 

O‘quv mashg‘uloti mobaynida tashkilot tomonidan bino va inshootlarning zilzilabardoshligini taʼminlash bo‘yicha amalga oshirilishi lozim bo‘lgan zarur choralar xususida ham to‘xtalib o‘tildi.

Mashg‘ulotda zilzila va uning salbiy oqibatlariga bag‘ishlangan videorolik namoyish qilindi. 

Korrupsiyaga qarshi kurashish agentligi 

Axborot xizmati