Жорий йилнинг 20-21 январь кунлари Коррупцияга қарши курашиш агентлиги томонидан Конрад Аденауэр жамғармасининг Марказий Осиёдаги ваколатхонаси билан ҳамкорликда “Давлат бошқарувининг шаффофлиги ва жамиятда коррупцияга нисбатан муросасиз муносабатни шакллантириш” мавзусида семинар-тренинг ўтказилди.

Унда Агентлик директори А. Бурханов ва Конрад Аденауэр жамғармасининг Марказий Осиёдаги минтақавий вакили Х. Ронни иштирок этди.

Семинар-тренинг давомида “Янги Ўзбекистон маъмурий ислоҳотларини амалга ошириш”, “Ўзбекистон Республикаси Президентининг Олий Мажлисга ва Ўзбекистон халқига мурожаатномасининг мазмун-моҳияти ва коррупцияга қарши курашиш борасидаги давлат сиёсати”, “Давлат органлари фаолиятининг очиқлиги ва шаффофлигини таъминлаш” каби мавзуларда ўзаро муҳокамалар бўлиб ўтди.

Шунингдек, Агентликнинг 2022 йилда амалга оширилган ва 2023 йилда режалаштирилган фаолияти бўйича тақдимотлар ўтказилди.

Коррупцияга қарши курашиш агентлиги

Ахборот хизмати