Бугун Коррупцияга қарши курашиш агентлиги директори А.Бурхановнинг навбатдаги шахсий қабули бўлиб ўтди. Фуқаролар ўз мурожаатларида асосан суд қарорларидан ҳамда турли давлат органлари, маҳаллий ҳокимликларда мурожаатларининг тўлиқ ва холисона кўриб чиқилмаётганлигидан ҳамда коррупциявий ҳолатлардан норозиликлар билдиришди.

Қабулда фуқароларнинг мурожаатлари тўлиқ тингланиб, муаммоларнинг ечими бўйича тегишли ҳуқуқий тушунтириш ва маслаҳатлар берилди. Ижроси ўрганиш ва вақт талаб қиладиган мурожаатлар бўйича фуқаролардан тегишли тартибда ариза ва шикоятлар қабул қилиниб, ижроси қатъий назоратга олинди.

Шунингдек, қабулда коррупцияга қарши курашиш бўйича таклиф ва мулоҳазалар маълум қилиниб, Агентлик томонидан ижобий ҳал этилган мурожаатлар юзасидан фуқаролар ўз миннатдорчиликларини билдиришди.
 

Коррупцияга қарши курашиш агентлиги

Ахборот хизмати