Bugun Korrupsiyaga qarshi kurashish agentligi direktori A.Burxanovning navbatdagi shaxsiy qabuli bo‘lib o‘tdi. Fuqarolar o‘z murojaatlarida asosan sud qarorlaridan hamda turli davlat organlari, mahalliy hokimliklarda murojaatlarining to‘liq va xolisona ko‘rib chiqilmayotganligidan hamda korrupsiyaviy holatlardan noroziliklar bildirishdi.

Qabulda fuqarolarning murojaatlari to‘liq tinglanib, muammolarning yechimi bo‘yicha tegishli huquqiy tushuntirish va maslahatlar berildi. Ijrosi o‘rganish va vaqt talab qiladigan murojaatlar bo‘yicha fuqarolardan tegishli tartibda ariza va shikoyatlar qabul qilinib, ijrosi qatʼiy nazoratga olindi.

Shuningdek, qabulda korrupsiyaga qarshi kurashish bo‘yicha taklif va mulohazalar maʼlum qilinib, Agentlik tomonidan ijobiy hal etilgan murojaatlar yuzasidan fuqarolar o‘z minnatdorchiliklarini bildirishdi.

 

Korrupsiyaga qarshi kurashish agentligi

Axborot xizmati