Бугун Transparency International халқаро нодавлат ташкилоти томонидан Коррупцияни қабул қилиш индексининг 2022- йил натижалари эълон қилинди.

180 та давлат орасида Ўзбекистон 31 балл билан 126-ўринни эгаллади. Аҳамиятлиси, мамлакатимиз балларини 3 тага ошириб, ўрнини 14 поғонага яхшилашга (2021-йилда 140 ўрин) муваффақ бўлди.

Маълумот учун: Коррупцияни қабул қилиш индекси 1995 йилдан буён эълон қилиниб келигандиган давлат тизимида коррупцияни қабул қилиниш даражасини акс этувчи ҳамда экспертлар ва ишбилармонлар сўрови асосида шаклланувчи 13 та манбалардан ташкил топган ҳар йиллик индекс ҳисобланади. Ўзбекистон мазкур манбаларнинг 7 таси бўйича баҳоланади.

Бунда 0 балл – коррупцияни қабул қилишда энг юқори кўрсаткич, 100 балл – энг паст шкала ҳисобланади

Мамлакатимиз мазкур индексда сўнгги 6 йил давомида ўсиш суръатларини қайд этаётган (2017-йилда 22 балдан 2022-йилда 31 баллгача) давлат сифатида Шарқий Европа ва Марказий Осиё минтақасининг аксилкоррупция ислоҳотларини тизимли равишда амалга ошираётган давлатлар қаторида қайд этилди.