Коррупцияга қарши курашиш агентлиги томонидан Бирлашган Миллатлар Ташкилоти Тараққиёт Дастури (БМТТД), Ўзбекистон Республикаси Бош Прокуратураси, Адлия вазирлиги билан ҳамкорликда Фуқаролик жамияти институтларини коррупцияга қарши курашиш ва олдини олишда инновацияларни ишлаб чиқиш ва жорий этиш жараёнига жалб қилиш” мавзусида грант лойиҳалари амалга оширилди.
 

1. “Чехра” нодавлат нотижорат ташкилоти  (Фарғона вилояти)

Лойиҳа номи: “Бошланғич синфларида коррупцияга қарши кураш  ҳаракатини болалар онгига сингдириш” лойиҳаси

Амалга оширилган ишлар: Фарғона вилояти Марғилон шаҳри, Тошлоқ  ва Қўштепа туманларидаги 30 та мактабнинг бошланғич “3-4 – синфлар”ида коррупцияга қарши кураш ҳаракатини болалар онгига сингдиришга доир бир қатор тадбирлар ўтказилди:

 “Коррупция – менинг нигоҳимда” номли расмлар танлови ва ушбу чизилган расмлар асосида “Коррупцияни фақат ҳаммамиз биргаликда тўхтатамиз!”-шиори остида медиа–манбалар тўпламлари йиғилди.

“Коррупция менинг тасаввуримда” мавзусидаги кичик иншолар танловида 212 нафар ўқувчилар иштирок этдилар ва “Энг яхши иншо” лар жамламаси асосида буклетлар тайёрланди.

65 нафар ўқитувчилари ўз ўқувчилари иштирокида коррупция мавзусида кичик саҳна кўринишлари акс этган видеороликлар танловида фаол қатнашдилар.

Натижа: Коррупцияга қарши курашишда ёшларни кенг жалб қилишга доир бир қатор расмлар танлови, улар асосида медиа-манбалар тўплами тайёрланди.

 

2. “Инсон ҳуқуқи” маданияти маркази (Тошкент вилояти)

Лойиҳа номи: “Коррупцияга қарши курашда жамоатчилик назорати ва унда матбуотни ўрни” грант лойиҳаси

Амалга оширилган ишлар: Навоий, Бухоро, Тошкент вилоятларида “Коррупция тараққиёт кушандаси” номи остида танловлар ташкил этилди. Мазкур танловларда 100 дан ортиқ қатнашувчилар иштирок этишиб, уларнинг 70 фоизини ёшлар ташкил этди.

Шунингдек, Марказ томонидан Навоий, Бухоро, Тошкент вилоятларида журналист ва блогерлар учун ўқув семинарлари ташкил этилди.

Ўқув семинарларида Агентлик, Прокуратура, Адлия вазирлиги масъул ходимлари ҳамда БМТ ТД халқаро эксперти иштирок этишди.

Семинарларда 120 дан ортиқ ОАВ вакиллари иштирок этишди.

Натижа: Жамиятимизнинг асосий қатлами ҳисобланмиш ёшлар билан ишланди ва уларнинг коррупцияга қарши ҳаракатлари танлов асосида рағбатлантирилди.

 

3. Республика «ИСТИҚБОЛЛИ АВЛОД» ижтимоий-ахборот маркази Сирдарё вилояти бўлими

Лойиҳа номи: “Сирдарё вилоятидаги фуқаролик жамияти институтлари ўртасида коррупцияга қарши курашиш, коррупцияга қарши тарғибот-ташвиқот ишларини олиб бориш ва коррупцияга қарши курашиш бўйича аҳолининг хабардорлигини оширишда фаол ёшлар ва аёлларнинг фаоллигини ошириш” лойиҳаси

Амалга оширилган ишлар: Лойиҳа доирасида 2022 йилнинг 3 – 5-ноябрь кунлари Зомин туманидаги болалар оромгоҳида “Коррупцияга қарши” номли ўқув-мактаби ўтказилиб, унда:

Сирдарё вилояти фуқаролик жамияти вакиллари, ННТларнинг фаол аёллари;

Республика «Истиқболли Авлод» ижтимоий ахборот марказининг вилоятлардаги бўлинмалари фаол волонтерлари;

вилоят Ёшлар иттифоқининг туман(шаҳар) сардорлари, ҳамда Гулистон давлат университети фаол талабалари иштирок этди.

Медиа компания амалга оширилди:

92 000 қамровга эга Маҳаллий ва республика миқёсдаги газета, журналларда коррупцияга қарши курашиш мавзуларида мақола, тезислар чоп этилди.

880 000 қамровга эга бўлган радио эшиттиришлар тайёрланди.

10 000 дан ортиқ қамровга эга ижтимоий тармоқлар (Телеграм, Инстаграм, Фаcэбоок) да лойиҳа доирасида бажарилган ишлар бўйича 30 дан ортиқ постлар эълон қилинди, реклама постерлари тайёрланди.

Натижа: Иштирокчиларнинг коррупция соҳасидаги долзарб муаммолар, коррупцияга қарши курашишнинг гендер жиҳатлари ва коррупцияга қарши курашнинг самарали воситалари ва механизмлари ҳақида хабардорлигини ошириш, иштирокчиларда фуқаролик назорати механизмларини ишлаб чиқиш ва уларни топиш бўйича кўникмаларини шакллантирилди.

 

4. "Мулоқот” ННТ (Тошкент шаҳри)

Лойиҳа номи: Аксилкоррупция алифбоси

Амалга оширилган ишлар: Коррупция ва унинг ўзига хос хусусиятлари ва турлари, Порахўрнинг орзулари, лоббизм, “суюнчи” одатлари, супер контракт, давлат амалдорининг мансаб сохтакорлиги, фаворитизм в.б. каби ножўя таъсирларни ўзида мужасамлаштирган комикслар тўплами тайёрланди.

Натижа: Коррупцияга қарши курашишнинг дифференцияциялашган ёндашуви асосида, яъни “бола тилида”, мазкур иллатга қарши муросасиз муносабатни шакллантиришга қаратилган комикслар тўплами тайёрланди.