Korrupsiyaga qarshi kurashish agentligi tomonidan Birlashgan Millatlar Tashkiloti Taraqqiyot Dasturi (BMTTD), O‘zbekiston Respublikasi Bosh Prokuraturasi, Adliya vazirligi bilan hamkorlikda Fuqarolik jamiyati institutlarini korrupsiyaga qarshi kurashish va oldini olishda innovatsiyalarni ishlab chiqish va joriy etish jarayoniga jalb qilish” mavzusida grant loyihalari amalga oshirildi.
 

1. “Chexra” nodavlat notijorat tashkiloti  (Farg’ona viloyati)

Loyiha nomi: Boshlang‘ich sinflarida korrupsiyaga qarshi kurash  harakatini bolalar ongiga singdirish” loyihasi

Amalga oshirilgan ishlar: Farg‘ona viloyati Marg‘ilon shahri, Toshloq  va Qo‘shtepa tumanlaridagi 30 ta maktabning boshlang‘ich “3-4 – sinflar”ida korrupsiyaga qarshi kurash harakatini bolalar ongiga singdirishga doir bir qator tadbirlar o‘tkazildi:

 “Korrupsiya – mening nigohimda” nomli rasmlar tanlovi va ushbu chizilgan rasmlar asosida “Korrupsiyani faqat hammamiz birgalikda to‘xtatamiz!”-shiori ostida media–manbalar to‘plamlari yig‘ildi.

“Korrupsiya mening tasavvurimda” mavzusidagi kichik insholar tanlovida 212 nafar o‘quvchilar ishtirok etdilar va “Eng yaxshi insho” lar jamlamasi asosida bukletlar tayyorlandi.

65 nafar o‘qituvchilari o‘z o‘quvchilari ishtirokida korrupsiya mavzusida kichik sahna ko‘rinishlari aks etgan videoroliklar tanlovida faol qatnashdilar.

Natija: Korrupsiyaga qarshi kurashishda yoshlarni keng jalb qilishga doir bir qator rasmlar tanlovi, ular asosida media-manbalar to’plami tayyorlandi.

 

2. “Inson huquqi” madaniyati markazi (Toshkent viloyati)

Loyiha nomi: “Korrupsiyaga qarshi kurashda jamoatchilik nazorati va unda matbuotni o‘rni” grant loyihasi

Amalga oshirilgan ishlar: Navoiy, Buxoro, Toshkent viloyatlarida “Korrupsiya taraqqiyot kushandasi” nomi ostida tanlovlar tashkil etildi. Mazkur tanlovlarda 100 dan ortiq qatnashuvchilar ishtirok etishib, ularning 70 foizini yoshlar tashkil etdi.

Shuningdek, Markaz tomonidan Navoiy, Buxoro, Toshkent viloyatlarida jurnalist va blogerlar uchun o’quv seminarlari tashkil etildi.

O’quv seminarlarida Agentlik, Prokuratura, Adliya vazirligi mas’ul xodimlari hamda BMT TD xalqaro eksperti ishtirok etishdi.

Seminarlarda 120 dan ortiq OAV vakillari ishtirok etishdi.

Natija: Jamiyatimizning asosiy qatlami hisoblanmish yoshlar bilan ishlandi va ularning korrupsiyaga qarshi harakatlari tanlov asosida rag’batlantirildi.

 

3. Respublika «ISTIQBOLLI AVLOD» ijtimoiy-axborot markazi Sirdaryo viloyati bo‘limi

Loyiha nomi: “Sirdaryo viloyatidagi fuqarolik jamiyati institutlari o‘rtasida korrupsiyaga qarshi kurashish, korrupsiyaga qarshi targ‘ibot-tashviqot ishlarini olib borish va korrupsiyaga qarshi kurashish bo‘yicha aholining xabardorligini oshirishda faol yoshlar va ayollarning faolligini oshirish” loyihasi

Amalga oshirilgan ishlar: Loyiha doirasida 2022 yilning 3 – 5-noyabr kunlari Zomin tumanidagi bolalar oromgohida “Korrupsiyaga qarshi” nomli o‘quv-maktabi o‘tkazilib, unda:

• Sirdaryo viloyati fuqarolik jamiyati vakillari, NNTlarning faol ayollari;
• Respublika «Istiqbolli Avlod» ijtimoiy axborot markazining viloyatlardagi bo‘linmalari faol volonterlari;
• viloyat Yoshlar ittifoqining tuman(shahar) sardorlari, hamda Guliston davlat universiteti faol talabalari ishtirok etdi.

Media kompaniya amalga oshirildi:

92 000 qamrovga ega Mahalliy va respublika miqyosdagi gazeta, jurnallarda korrupsiyaga qarshi kurashish mavzularida maqola, tezislar chop etildi.

880 000 qamrovga ega bo’lgan radio eshittirishlar tayyorlandi.

10 000 dan ortiq qamrovga ega ijtimoiy tarmoqlar (Telegram, Instagram, Facebook) da loyiha doirasida bajarilgan ishlar bo‘yicha 30 dan ortiq postlar e'lon qilindi, reklama posterlari tayyorlandi.

Natija: Ishtirokchilarning korrupsiya sohasidagi dolzarb muammolar, korrupsiyaga qarshi kurashishning gender jihatlari va korrupsiyaga qarshi kurashning samarali vositalari va mexanizmlari haqida xabardorligini oshirish, ishtirokchilarda fuqarolik nazorati mexanizmlarini ishlab chiqish va ularni topish bo‘yicha ko‘nikmalarini shakllantirildi.

 

4. "Muloqot” NNT (Toshkent shahri)

Loyiha nomi: Aksilkorrupsiya alifbosi

Amalga oshirilgan ishlar: Korrupsiya va uning o’ziga xos xususiyatlari va turlari, Poraxo’rning orzulari, lobbizm, “suyunchi” odatlari, super kontrakt, davlat amaldorining mansab soxtakorligi, favoritizm v.b. kabi nojo’ya ta’sirlarni o’zida mujasamlashtirgan komikslar to’plami tayyorlandi.

Natija: Korrupsiyaga qarshi kurashishning differensiyatsiyalashgan yondashuvi asosida, ya’ni “bola tilida”, mazkur illatga qarshi murosasiz munosabatni shakllantirishga qaratilgan komikslar to’plami tayyorlandi.