Коррупцияга қарши курашиш учун барча масъул бўлиб, бунда фуқароларнинг иштироки муҳим аҳамият касб этади. Фуқаролар томонидан коррупцияга қарши курашиш бўйича ва унга нисбатан муросасиз муносабатини ўз мурожаатларида баён этиб келишмоқда. Бундай мурожаатлар, Коррупцияга қарши курашиш агентлиги томонидан ўрганилиб, жисмоний ва юридик шахсларнинг ҳуқуқлари, эркинликлари, қонуний манфаатларини ҳимоя қилиш бўйича тизимли ишлар амалга ошириб келинмоқда.

Жумладан, Агентлик раҳбарияти ва ходимлари томонидан доимий равишда фуқароларни қабул қилиш амалиёти йўлга қўйилган бўлиб, бугун Коррупцияга қарши курашиш агентлиги директори А.Бурхановнинг навбатдаги фуқаролар қабули бўлиб ўтди.

Республиканинг турли ҳудудларидан келган фуқаролар ўз мурожаатларида асосан суд қарорларидан ҳамда турли вазирлик ҳамда идораларда мурожаатларининг тўлиқ ва холисона кўриб чиқилмаётганлигидан норозиликлар ҳамда коррупцияга қарши курашиш бўйича ўз таклифларини билдиришди.

Қабулда фуқароларнинг мурожаатлари тўлиқ тингланиб, муаммоларнинг ечими бўйича тегишли ҳуқуқий тушунтириш ва маслаҳатлар берилди. Ижроси ўрганиш ва вақт талаб қиладиган мурожаатлар бўйича фуқаролардан тегишли тартибда ариза ва шикоятлар қабул қилиниб, ижроси қатъий назоратга олинди.

 

Коррупцияга қарши курашиш агентлиги

Ахборот хизмати