Korrupsiyaga qarshi kurashish uchun barcha masʼul bo‘lib, bunda fuqarolarning ishtiroki muhim ahamiyat kasb etadi. Fuqarolar tomonidan korrupsiyaga qarshi kurashish bo‘yicha va unga nisbatan murosasiz munosabatini o‘z murojaatlarida bayon etib kelishmoqda. Bunday murojaatlar, Korrupsiyaga qarshi kurashish agentligi tomonidan o‘rganilib, jismoniy va yuridik shaxslarning huquqlari, erkinliklari, qonuniy manfaatlarini himoya qilish bo‘yicha tizimli ishlar amalga oshirib kelinmoqda.

Jumladan, Agentlik rahbariyati va xodimlari tomonidan doimiy ravishda fuqarolarni qabul qilish amaliyoti yo‘lga qo‘yilgan bo‘lib, bugun Korrupsiyaga qarshi kurashish agentligi direktori A.Burxanovning navbatdagi fuqarolar qabuli bo‘lib o‘tdi.

Respublikaning turli hududlaridan kelgan fuqarolar o‘z murojaatlarida asosan sud qarorlaridan hamda turli vazirlik hamda idoralarda murojaatlarining to‘liq va xolisona ko‘rib chiqilmayotganligidan noroziliklar hamda korrupsiyaga qarshi kurashish bo‘yicha o‘z takliflarini bildirishdi.

Qabulda fuqarolarning murojaatlari to‘liq tinglanib, muammolarning yechimi bo‘yicha tegishli huquqiy tushuntirish va maslahatlar berildi. Ijrosi o‘rganish va vaqt talab qiladigan murojaatlar bo‘yicha fuqarolardan tegishli tartibda ariza va shikoyatlar qabul qilinib, ijrosi qatʼiy nazoratga olindi.

 

Korrupsiyaga qarshi kurashish agentligi

Axborot xizmati