Коррупцияга қарши курашиш агентлигига

2023 йилнинг 14 февраль куни Фарғона вилояти, Фарғона шаҳри, Парвоз МФЙ, А.Навоий шох кўчасида яшовчи фуқаро Ш.Адан мурожаат келиб тушган.

Мурожаатда Фарғона шаҳар, Б.Марғилоний кўчаси, 70-уй, 26-хонадонга “ҲудудгазФарғона” Газ таъминоти филиали Фарғона шаҳар бўлими томонидан газ ҳисоблагични янги ақлли электрон газ ҳисоблагичга алмаштириб бермасдан келаётганлиги бўйича норозилик билдирилган.

Ўз навбатида, 2023 йил 16 февраль куни Агентлик томонидан Ш.Анинг мурожаатларида келтирилган важларни тўлиқ ва холисона ўрганиб чиқиш мақсадида “Худудгазтаъминот” АЖга сўровнома юборилди.

“Ҳудудгазтаъминот” АЖнинг ушбу ҳолат бўйича билдиришича, Ўзбекистон Республикаси Президентининг ПҚ-4840-сон қарорига мувофиқ, “Ҳудудгаз Фарғона” ГТФ томонидан “OSTEN” бренди остида ишлаб чиқарилган газ ҳисоблагичи ўрнатиб берилди.

Мурожаатчи билан Агентлик масъул ходимлари телефон орқали мулоқот олиб борганда мурожаатда кўрсатилган важлар бартараф этилиб, газ ҳисоблагичлар ўрнатиб берилганлиги маълум қилинган.

Коррупцияга қарши курашиш агентлиги

Ахборот хизмати