Korrupsiyaga qarshi kurashish agentligiga 2023-yilning 14-fevral kuni Farg‘ona viloyati, Farg‘ona shahri, Parvoz MFY, A.Navoiy shox ko‘chasida yashovchi fuqaro Sh.Adan murojaat kelib tushgan.

Murojaatda Farg‘ona shahar, B.Marg‘iloniy ko‘chasi, 70-uy, 26-xonadonga “HududgazFarg‘ona” Gaz taʼminoti filiali Farg‘ona shahar bo‘limi tomonidan gaz hisoblagichni yangi aqlli elektron gaz hisoblagichga almashtirib bermasdan kelayotganligi bo‘yicha norozilik bildirilgan.

O‘z navbatida, 2023-yil 16-fevral kuni Agentlik tomonidan Sh.Aning murojaatlarida keltirilgan vajlarni to‘liq va xolisona o‘rganib chiqish maqsadida “Xududgaztaʼminot” AJga so‘rovnoma yuborildi.

“Hududgaztaʼminot” AJning ushbu holat bo‘yicha bildirishicha, O‘zbekiston Respublikasi Prezidentining PQ-4840-son qaroriga muvofiq, “Hududgaz Farg‘ona” GTF tomonidan “OSTEN” brendi ostida ishlab chiqarilgan gaz hisoblagichi o‘rnatib berildi.

Murojaatchi bilan Agentlik masʼul xodimlari telefon orqali muloqot olib borganda murojaatda ko‘rsatilgan vajlar bartaraf etilib, gaz hisoblagichlar o‘rnatib berilganligi maʼlum qilingan.

 

Korrupsiyaga qarshi kurashish agentligi

Axborot xizmati