Жорий йилнинг 11 март куни Коррупцияга қарши курашиш агентлиги директори Акмал Бурханов Япониянинг Дошиша университети профессори, БМТ ҳамда Жаҳон банкининг коррупцияга қарши курашиш бўйича эксперти, G-20 аксилкоррупция академик гуруҳи аъзоси Эйжи Оямадани қабул қилди.

Учрашувда Агентлик, JICA ва Дошиша университети ўртасида ҳамкорлик кўламини кенгайтириш, хусусан коррупциянинг олдини олишга қаратилган янги лойиҳаларни ишлаб чиқиш, JICA томонидан ташкил этиладиган дастурларга Агентлик вакилларини жалб қилиш, ўқув семинарларини ўтказишда экспертлик ёрдамини кўрсатиш сингари ҳамкорлик масалалари муҳокама қилинди.

Ўз нуқтида Эйжи Оямада Ўзбекистондаги аксилкоррупция ислоҳотларини амалга оширишда яқиндан кўмак кўрсатишга тайёрлигини таъкидлади.

Музокаралар мобайнида Япония ҳукуматининг Инсон ресурсларини ривожлантириш стипендияси лойиҳаси (JDS)  дастурида Агентлик иштирокини таъминлаш борасида фикр алмашилди.

Учрашув сўнггида томонлар коррупциянинг олдини олишда яқин ҳамкорликни олиб бориш, биргаликда қўшма лойиҳалар ва ўқув дастурларини ишлаб чиқиш, JICA дастурлари учун лойиҳаларни шакллантириш юзасидан келишувга эришдилар.

Коррупцияга қарши курашиш агентлиги

Ахборот хизмати