Жисмоний ва юридик шахсларнинг ҳуқуқлари, эркинликлари, қонуний манфаатларини ҳимоя қилиш, халқ билан мулоқотни йўлга қўйиш мақсадида, Коррупцияга қарши курашиш агентлиги раҳбарияти ва ходимлари томонидан доимий равишда фуқаролар шахсан қабул қилиниб, муаммоларнинг ечимини топиш бўйича тегишли саъй-ҳаракатлар амалга ошириб келинмоқда.

Бугун ҳам Агентлик директори А.Бурхановнинг фуқаролар билан навбатдаги шахсий қабули бўлиб ўтди.

Республиканинг турли ҳудудларидан келган фуқаролар ўз мурожаатларида асосан суд-ҳуқуқ масалаларида ҳамда турли давлат органлари, маҳаллий ҳокимликларда мурожаатларининг тўлиқ ва холисона кўриб чиқилмаётганлигидан  ҳамда коррупциявий ҳолатлардан норозиликлар билдиришди.

Қабулда фуқароларнинг мурожаатлари тўлиқ тингланиб, муаммоларнинг ечими бўйича тегишли ҳуқуқий тушунтириш ва маслаҳатлар берилди. Ижроси ўрганиш ва вақт талаб қиладиган мурожаатлар бўйича фуқаролардан тегишли тартибда ариза ва шикоятлар қабул қилиниб, ижроси қатъий назоратга олинди.

Коррупцияга қарши курашиш агентлиги

Ахборот хизмати