Жорий йилнинг 31 май куни Коррупцияга қарши курашиш агентлиги директори ўринбосари U.Tuxtasheva Япониянинг халқаро ҳамкорлик агентлиги (JICA) экспертлар гуруҳини қабул қилди.

Учрашувда хорижий томондан JICA штаб-квартирасининг Шарқий ва Марказий Осиё ва Кавказ департаменти директори ўринбосари К.Мишима, департамент мутахассиси С.Ватадани, JICAнинг Ўзбекистондаги ваколатхонаси вакиллари Н.Токи ва Ш.Шарипов иштирок этди.
Учрашувдан мақсад ўзаро самарали ҳамкорликни янги йўналишларда изчил давом эттириш, хусусан, “Ўзбекистонда инсон ресурсларини ривожлантиришда Япония иш тажрибасидан фойдаланиш” га қаратилган янги лойиҳанинг мақсад-вазифалари ҳамда Агентликнинг ушбу лойиҳада иштироки масалаларини муҳокама қилишдан иборат бўлди.

К.Мишима таъкидлашича, “Ўзбекистонда инсон ресурсларини ривожлантиришда Япония иш тажрибасидан фойдаланиш” миграция ва масалаларига бағишланган бўлиб, ушбу лойиҳада Агентлик иштироки масалалари кўриб чиқилмоқда.

Шунга кўра, мулоқот мобайнида лойиҳани Ўзбекистонда миграция соҳасида коррупцияга қарши курашиш борасидаги мавжуд амалиёт ва тажрибага мослаштириш имкониятлари юзасидан ўзаро фикр алмашилди.

Жумладан, учрашувда миграция жараёнларида коррупциявий хавф-хатарларнинг олдини олиш, уларнинг вужудга келмаслиги учун янги механизмларни яратиш ва коррупция масалаларига оид маслаҳат «ойна»ларини жорий этиш каби масалалар муҳокама этилди.

Учрашув сўнггида томонлар лойиҳани биргаликда такомиллаштириш ва уни самарали амалга оширишни ташкил этиш юзасидан ўзаро мулоқотларни давом эттиришга келишиб олдилар.

Коррупцияга қарши курашиш агентлиги

Ахборот хизмати