13-14 июнь кунлари Шимолий Македонияда “ЕХҲТнинг Иқтисодий ва Экологик ўлчовлар бўйича Струга 2023 конференцияси” бўлиб ўтмоқда.

Маълумот учун: Конференцияда 57 та иштирокчи давлатнинг, хусусий сектор, илмий доиралар, фуқаролик жамияти ва халқаро ташкилотлар вакилларига ЕХҲТ ҳудудида кенг қамровли, умумий, тенг ҳуқуқли ва ажралмас хавфсизликни таъминлаш учун ортиб бораётган муҳим бўлган юқоридаги масалалар бўйича мазмунли муҳокамалар учун платформа яратилди. 

Ушбу тадбирнинг асосий мавзуси “Барқарор ривожланиш, барқарор ва инклюзив иқтисодий ўсишга эришиш орқали ЕХҲТ минтақасида хавфсизлик ва барқарорликни таъминлаш” бўлди.

Конференцияда “Биргаликда самарали бошқарув ва коррупцияга қарши кураш” масаласи алоҳида сессияда муҳокама қилинди.

Мазкур сессия доирасида Коррупцияга қарши курашиш агентлиги директори А.Бурханов “Давлат органлари фаолиятидаги очиқлик ва шаффофлик Ўзбекистон Республикасида коррупцияга қарши курашишнинг муҳим элементи сифатида” мавзусидаги маърузасида батафсил маълумот берди.

Маъруза давомида иштирокчиларга сўнгги йилларда Ўзбекистонда давлат раҳбарининг ташаббуси билан давлат идоралари фаолиятининг очиқлиги, шаффофлиги ва ҳисобдорлигини таъминлашга қаратилган бир қатор ислоҳотлар амалга оширилганлиги, ушбу йўналишдаги норматив-ҳуқуқий ҳужжатлар базаси тубдан такомиллаштирилганлиги, бу борада ЕХҲТ билан ҳамкорлик натижалари хорижий иштирокчиларга тақдим этилди.

Муҳокамалар жараёнида иштирокчи давлатлар томонидан Ўзбекистоннинг коррупцияга қарши курашиш жараёнлари, давлат органларининг очиқлиги ва ҳисобдорлигини таъминлаш борасида сезиларли ютуқларга эришилаётгани эътироф этилди. Жумладан, давлат органлари ва ташкилотлари томонидан муҳим маълумотларнинг очиқланиши, улар асосида жамоатчилик назоратининг ўрнатилаётгани юзасидан аниқ механизмларга қизиқиш билдирилди.

Иштирокчилар томонидан Ўзбекистондаги ислоҳотларнинг самараcи, хусусан, ҳуқуқий-конституциявий асосларнинг мустаҳкамлангани, очиқликка оид тамойиллар янгиланган Конституцияда ҳам акс этгани ва шу каби амалий чоралар натижаси қатор халқаро рейтингларда, жумладан, “Open data watch” глобал маълумотлар барометри халқаро ташкилоти, “Очиқ давлат маълумотлари индекси”, “Open Data Inception” рейтингларида ҳам тўғридан-тўғри акс этаётгани эътироф этилди.