Коррупцияга қарши курашиш агентлиги томонидан ўтказилган ўрганишда Ховос тумани 2-сон касб-ҳунар мактаби буюртмачилигида 2023 йил 30 май куни ўтказилган 300 млн сўмлик давлат харидида иштирок этган тадбиркорлардан 2 нафарининг барча ҳужжатлари харид комиссияси томонидан фойдаланилган компьютернинг IP-манзили орқали электрон платформага юкланганлиги аниқланди.  

Натижада Ўзбекистон Республикаси “Давлат харидлари тўғрисида”ги Қонуннинг: 

 ▫️10-моддаси (рақобат ва холислик принципи);
 ▫️14-моддаси (манфаатлар тўқнашуви); 
 ▫️46-моддаси (давлат харидлари жараёнидаги чекловлар) талаблари бузилганлиги ва бошқа қонунбузилиш ҳолатларига йўл қўйилган. 

Мазкур ҳолат бўйича 14 июнь куни харид комиссиясининг баённомасини бекор қилиш тўғрисида буюртмачига тақдимнома киритилди ва қонуний чора кўриш учун тўпланган ҳужжатлар Бош прокуратура ҳузуридаги Иқтисодий жиноятларга қарши курашиш департаментига юборилди. 

Шунингдек, ҳолат юзасидан хизмат текшируви ўтказиш учун Ўзбекистон Республикаси Олий таълим, фан ва инновациялар вазирлигига сўровнома киритилди.

Агентликнинг тақдимномасига биноан Ховос тумани 2-сон касб-ҳунар мактаби томонидан 16 июнь куни харид комиссиясининг баённомаси бекор қилинган.

Коррупцияга қарши курашиш агентлиги

Ахборот хизмати