10 июль куни Коррупцияга қарши курашиш агентлиги директори ўринбосари У.Тухташева ва Британиядан Ўзбекистон Республикаси Президенти сайловига халқаро кузатувчи сифатида ташриф буюрган "Chishty consultancy" консалтинг компанияси раҳбари Чиштй Маҳдум Али ўртасида учрашув бўлиб ўтди.

Учрашувда томонлар мамлакатимизда коррупцияга қарши курашиш бўйича олиб борилаётган давлат сиёсатининг мазмун-моҳияти, жумладан, коррупциянинг олдини олиш, унга қарши курашишда давлат идоралари фаолиятининг шаффофлигини таъминлаш, давлат хизматида ҳалоллик тамойилини қарор топтириш, фуқаролик жамияти институтларини ушбу иллатга қарши курашиш жараёнларига кенг жалб этиш, соҳада жамоатчилик назорати ҳамда тарғибот-ташвиқот тадбирларини кучайтириш каби масалаларда ўзаро фикр-мулоҳаза алмашишди.

Коррупцияга қарши курашиш агентлиги

Ахборот хизмати