10-iyul kuni Korrupsiyaga qarshi kurashish agentligi direktori o‘rinbosari U.Tuxtasheva va Britaniyadan O‘zbekiston Respublikasi Prezidenti sayloviga xalqaro kuzatuvchi sifatida tashrif buyurgan "Chishty consultancy" konsalting kompaniyasi rahbari Chishty Mahdum Ali o‘rtasida uchrashuv bo‘lib o‘tdi.

Uchrashuvda tomonlar mamlakatimizda korrupsiyaga qarshi kurashish bo‘yicha olib borilayotgan davlat siyosatining mazmun-mohiyati, jumladan, korrupsiyaning oldini olish, unga qarshi kurashishda davlat idoralari faoliyatining shaffofligini taʼminlash, davlat xizmatida halollik tamoyilini qaror toptirish, fuqarolik jamiyati institutlarini ushbu illatga qarshi kurashish jarayonlariga keng jalb etish, sohada jamoatchilik nazorati hamda targ‘ibot-tashviqot tadbirlarini kuchaytirish kabi masalalarda o‘zaro fikr-mulohaza almashishdi.

Korrupsiyaga qarshi kurashish agentligi

Axborot xizmati