Давлат олий таълим муассасаларининг даромадлари ва харажатлари тўғрисидаги маълумотлар таҳлил қилинди

03 Август 2023
3177
Чоп этиш

Давлат органлари ва ташкилотлари фаолиятининг очиқлиги ва шаффофлигини, ахборот олиш эркинлигини таъминлаш орқали жамоатчилик назоратини такомиллаштириш мақсадида Ўзбекистон Республикаси Президентининг 2021 йилнинг 16 июнидаги ПФ-6247-сон Фармонига мувофиқ, давлат олий таълим муассасаларининг даромадлари, харажатлари тўғрисидаги маълумотлар Иқтисодиёт ва молия вазирлиги, Олий таълим, фан ва инновациялар вазирлиги ҳамда тасарруфида олий таълим муассасалари бўлган давлат органлари томонидан расмий веб-сайт ва бошқа очиқ ахборот манбаларида эълон қилиб борилиши белгиланган.

Шунга кўра, Олий таълим, фан ва инновациялар вазирлиги томонидан эълон қилинган маълумотлар асосида 2023 йилнинг дастлабки олти ойи давомида республикадаги 70 та давлат олий таълим муассасаларининг даромадлари ва харажатлари тўғрисидаги маълумотлар таҳлил қилинди.

Маълум бўлишича, республика кесимида энг кўп даромадлар Ўзбекистон миллий университети (245 млрд сўм), Фарғона давлат университети (191 млрд сўм), Қорақалпоқ давлат университети (188 млрд сўм) ва Термиз давлат университети томонидан (169 млрд сўм) шакллантирилган.

Тошкент шаҳрида жойлашган энг кўп даромад* кўрган олий таълим муассасаларининг қисқа рўйхати қуйидагича:

	Ўзбекистон миллий университети	245 млрд сўм
	Ўзбекистон давлат жаҳон тиллари университети	165 млрд сўм
	Тошкент давлат иқтисодиёт университети	151 млрд сўм
	Тошкент давлат техника университети	145 млрд сўм
	Тошкент молия институти	102 млрд. ўм

*Изоҳ: Олий таълим муассасаларининг даромадлари бюджетдан молиялаштирилган маблағлар, тўлов-контракт асосида ўқитиш учун тушган тушумлар, ривожлантириш маблағлари бўйича даромадлар ҳисобидан шакллантирилади.

Шунингдек, жорий йилнинг дастлабки олти ойида даромад ва харажатлар орасидаги ижобий тафовути юқори бўлган ОТМлар - Самарқанд давлат чет тиллар институти (33 млрд сўм), Навоий давлат педагогика институти (27 млрд. сўм), Термиз давлат педагогика институти (24 млрд сўм), Шаҳрисабз давлат педагогика институти (19 млрд. сўм).

Бундан ташқари, жорий йилнинг I ярим йиллиги якунлари бўйича харажатлари даромадларидан юқори бўлган ОТМлар - Наманган давлат университети (-230 млрд сўм), Чирчиқ давлат педагогика университети (-128 млрд сўм), Урганч давлат университети (-85 млрд сўм).

Олий таълим, фан ва инновациялар вазирлигининг маълумотига кўра, бугунги кунда республикада жами 210 та ОТМлар бўлиб, улардан 115 таси давлат органлари тасарруфидаги ОТМлар, 65 таси нодавлат олий таълим муассасалари, 30 таси хорижий ОТМлар ва уларнинг филиаллари ҳисобланади.

Давлат олий таълим муассасаларининг йиллик даромадлари ва харажатлари тўғрисида маълумот

(2023 йил I ярим йиллик якуни ҳолатига)

Ўлчов бирлиги, млн сўм.

№	Олий таълим муассасалари	Жами даромадлар	Жами харажатлар	Даромад ва харажатлар орасидаги фарқ
	Самарқанд давлат чет тиллар институти	97 018	63 720	33 299
	Навоий давлат педагогика институти	106 972	79 662	27 310
	Термиз давлат педагогика институти	59 051	34 724	24 327
	Шаҳрисабз давлат педагогика институти	53 197	33 661	19 536
	Бухоро давлат педагогика институти	47 726	33 378	14 348
	Фарғона политехника институти	94 306	80 698	13 607
	Андижон машинасозлик институти	55 086	43 231	11 856
	Қўқон давлат педагогика институти	93 131	81 538	11 593
	Андижон давлат педагогика институти	53 017	42 247	10 770
	“ТИҚХММИ” миллий тадқиқот университети	76 421	67 966	8 455
	Ўзбекистон-Финландия педагогика институти	51 514	43 629	7 885
	Тошкент тўқимачилик ва енгил саноат институти	48 687	41 759	6 928
	Наманган муҳандислик-қурилиш институти	66 448	60 212	6 236
	Урганч давлат педагогика институти	16 694	10 697	5 997
	Қарши давлат университети	134 973	129 439	5 534
	Самарқанд давлат архитектура-қурилиш университети	53 618	48 408	5 211
	И.М.Губкин номидаги Россия давлат нефть ва газ университетининг Тошкент шаҳридаги филиали	15 513	10 579	4 934
	Қарши муҳандислик-иқтисодиёт институти	85 491	81 273	4 217
	Самарқанд иқтисодиёт ва сервис институти	49 319	45 533	3 786
	Андижон давлат чет тиллари институти	31 624	28 384	3 240
	Наманган муҳандислик-технология институти	55 377	52 316	3 061
	Денов тадбиркорлик ва педагогика институти	46 208	43 496	2 712
	Жиззах политехника институти	57 707	55 056	2 651
	Самарқанд давлат университетининг Ургут филиали	6613	4 601	2 013
	Навоий давлат кончилик ва технологиялар университети Нукус филиали	9 265	7 332	1 933
	Д.И.Менделеэв номидаги Россия кимё-технология университети федерал давлат бюджет олий маълумот таълим муассасасининг Тошкент шаҳридаги Ўзбекистон Республикаси филиали	6 783	5 021	1 762
	Тошкент давлат иқтисодиёт университети Самарқанд филиали	14 352	12 746	1 606
	Тошкент шаҳридаги "МЕИ" миллий тадқиқот университети" федерал давлат бюджети олий таълим муассасасининг филиали	6135	4 605	1 530
	Астраҳан давлат техника университетининг Тошкент вилоятидаги филиали	8 114	6 743	1 371
	Наманган давлат педагогика институти	12 655	11 423	1 232
	Андижон иқтисодиёт ва қурилиш институти	7 695	7 058	637
	Гулистон давлат педагогика институти	14 280	13 966	314
	Тошкент давлат техника университети Қўқон филиали	7 337	7 342	-4
	Тошкент шаҳрида Беларус-Ўзбекистон қўшма тармоқлараро амалий техник квалификациялар институти	7 482	7 541	-59
	“ТИҚХММИ” миллий тадқиқот университетининг Қарши ирригация ва агротехнологиялар институти	15 591	15 694	-103
	Ўзбекистон журналистика ва оммавий коммуникациялар университети	25 809	25 946	-137
	Самарқанд давлат университетининг Каттақўрғон филиали	6436	6 575	-138
	Тошкент кимё-технология институти Шаҳрисабз филиали	12 465	12 622	-157
	Тошкент давлат шарқшунослик университети	46 987	47 636	-650
	"Миллий технологик тадқиқотлар университети МИСиС" нинг Олмалиқ шаҳридаги филиали	11 170	11 862	-692
	“ТИҚХММИ” миллий тадқиқот университети Бухоро табиий ресурсларни бошқариш институти	19 446	20 217	-772
	М.В.Ломоносов номидаги Москва давлат университети Тошкент шаҳридаги филиали	7 779	8 943	-1 164
	Жиззах шаҳридаги Қозон федерал университети филиали	2741	3 942	-1 201
	Ўзбекистон миллий университетининг Жиззах филиали	16 807	19 573	-2 767
	Исҳоқхон Ибрат номидаги Наманган давлат чет тиллари институти	3435	6 346	-2 912
	Тошкент кимё-технология институти Янгиер филиали	10 165	13 856	-3 690
	Тошкент давлат техника университети Олмалиқ филиали	23 811	27 688	-3 877
	Тошкент архитектура-қурилиш университети	38 726	43 165	-4 439
	Бухоро муҳандислик-технология институти	67 907	72 901	-4 993
	Гулистон давлат университети	100 431	107 523	-7 093
	Андижон давлат университети	121 455	128 854	-7 399
	Ажиниёз номидаги Нукус давлат педагогика институти	89 397	97 485	-8 088
	Термиз муҳандислик-технология институти	28 760	37 413	-8 653
	Тошкент давлат Ўзбек тили ва адабиёти университети	39 847	48 896	-9 049
	Тошкент кимё-технология институти	53 128	62 667	-9 539
	Тошкент давлат техника университети	144 867	154 560	-9 694
	Бухоро давлат университети	146 019	157 607	-11 588
	Самарқанд давлат университети	156 308	169 624	-13 316
	Навоий давлат кончилик ва технологиялар университети	30 212	45 588	-15 375
	Ўзбекистон миллий университети	244 802	262 644	-17 843
	Фарғона давлат университети	191 107	210 608	-19 500
	Жиззах давлат педагогика университети	125 813	153 548	-27 735
	Тошкент молия институти	102 165	134 960	-32 795
	Ўзбекистон давлат жаҳон тиллари университети	165 134	200 492	-35 358
	Термиз давлат университети	169 422	207 085	-37 663
	Қорақалпоқ давлат университети	188 134	230 146	-42 013
	Тошкент давлат иқтисодиёт университети	151 515	202 601	-51 087
	Урганч давлат университети	129 160	214 340	-85 180
	Чирчиқ давлат педагогика университети	121 694	249 427	-127 733
	Наманган давлат университети	142 791	373 655	-230 864