Ишчи гуруҳ ўрганишлар мобайнида"Ҳудудгаз Сурхондарё” газ таъминоти филиалида бўлиб, бу масала билан яқиндан танишди.

Маълумки, Ўзбекистон Республикаси Вазирлар Маҳкамасининг жорий йил 15 сентябрдаги 475-сон қарорида Коррупцияга қарши курашиш агентлиги газдан фойдаланишни назорат қилиш инспекцияси автомобилларга газ тўлдириш компрессор шохобчаларида ўрнатилган газ ҳисоблаш ускуналари табиий газ назорати ва ҳисобининг автоматлаштирилган тизимига тўлиқ уланганлиги ва онлайн режимда маълумотлар узатилаётганлигини қатъий назорат қилиб боришга масъул этиб белгиланган.

Шунга кўра, ўрганиш давомида газ таъминоти филиалидаги рақамлаштириш жараёнлари, шаффофликни таъминлаш масалаларига алоҳида эътибор қаратилди.

Филиал масъуллари томонидан автомобилларга газ тўлдириш компрессор шохобчаларида ўрнатилган газ ҳисоблаш ускуналарининг табиий газ назорати ва ҳисобининг автоматлаштирилган тизимга тўлиқ уланганлиги ҳолати бўйича тақдимот қилинди.

Маълум қилинишича, аҳолига газ баллонларини етказиб беришда тўловлар ҳам онлайн қабул қилиниши йўлга қўйилган, шунингдек, уй ичи газ жиҳозларига кўрсатилаётган хизматга онлайн дастур орқали ҳисоб-китоб қилинади.

Газ таъминоти хизматлари сифатини ошириш бўйича таклиф ва шикоятларни ўрганиш, филиал ҳамда мижоз ўртасидаги алоқаларни яхшилаш мақсадида “газ таъминоти филиалининг (76) 221-06-14 “Ишонч” телефони, авария-диспетчерлик хизматининг “104” ва “Call-markaz ”нинг (76) 221-05-97, (76) 221-25-10 рақамларига қўнғироқ қилиш имконияти яратилган.

Ишчи гуруҳ томонидан АГТКШлар томонидан табиий газ тармоқларига ноқонуний уланиш, ёқилғи-энергия ресурсларини талон-торож қилиш ва ноқонуний истеъмол қилишнинг бошқа ҳолатларини, шунингдек, уларни содир этишга имкон берувчи сабаб ва шарт-шароитларни аниқлаш, бартараф этиш ва олдини олиш бўйича назорат тадбирларини кучайтириш бўйича қатор тавсиялар берилди.

Коррупцияга қарши курашиш агентлиги

Ахборот хизмати