Ishchi guruh o‘rganishlar mobaynida"Hududgaz Surxondaryo” gaz taʼminoti filialida bo‘lib, bu masala bilan yaqindan tanishdi.

Maʼlumki, O‘zbekiston Respublikasi Vazirlar Mahkamasining joriy yil 15-sentabrdagi 475-son qarorida Korrupsiyaga qarshi kurashish agentligi gazdan foydalanishni nazorat qilish inspeksiyasi avtomobillarga gaz to‘ldirish kompressor shoxobchalarida o‘rnatilgan gaz hisoblash uskunalari tabiiy gaz nazorati va hisobining avtomatlashtirilgan tizimiga to‘liq ulanganligi va onlayn rejimda maʼlumotlar uzatilayotganligini qatʼiy nazorat qilib borishga masʼul etib belgilangan.

Shunga ko‘ra, o‘rganish davomida gaz taʼminoti filialidagi raqamlashtirish jarayonlari, shaffoflikni taʼminlash masalalariga alohida eʼtibor qaratildi.

Filial masʼullari tomonidan avtomobillarga gaz to‘ldirish kompressor shoxobchalarida o‘rnatilgan gaz hisoblash uskunalarining tabiiy gaz nazorati va hisobining avtomatlashtirilgan tizimga to‘liq ulanganligi holati bo‘yicha taqdimot qilindi.

Maʼlum qilinishicha, aholiga gaz ballonlarini yetkazib berishda to‘lovlar ham onlayn qabul qilinishi yo‘lga qo‘yilgan, shuningdek, uy ichi gaz jihozlariga ko‘rsatilayotgan xizmatga onlayn dastur orqali hisob-kitob qilinadi.

Gaz taʼminoti xizmatlari sifatini oshirish bo‘yicha taklif va shikoyatlarni o‘rganish, filial hamda mijoz o‘rtasidagi aloqalarni yaxshilash maqsadida “gaz taʼminoti filialining (76) 221-06-14 “Ishonch” telefoni, avariya-dispetcherlik xizmatining “104” va “Call-markaz ”ning (76) 221-05-97, (76) 221-25-10 raqamlariga qo‘ng‘iroq qilish imkoniyati yaratilgan.

Ishchi guruh tomonidan AGTKSHlar tomonidan tabiiy gaz tarmoqlariga noqonuniy ulanish, yoqilg‘i-energiya resurslarini talon-toroj qilish va noqonuniy isteʼmol qilishning boshqa holatlarini, shuningdek, ularni sodir etishga imkon beruvchi sabab va shart-sharoitlarni aniqlash, bartaraf etish va oldini olish bo‘yicha nazorat tadbirlarini kuchaytirish bo‘yicha qator tavsiyalar berildi.

Korrupsiyaga qarshi kurashish agentligi

Axborot xizmati