“Марказий Осиёда БМТ Коррупцияга қарши конвенциясининг амалга оширилишини жадаллаштириш бўйича Минтақавий конференция”си  доирасида Агентлик директори ўринбосари У.Тухташева Гонконг Коррупцияга қарши курашиш бўйича мустақил комиссияси вакиллари билан учрашди.

Учрашувда давлат хизматчиларини коррупцияга қарши ўқитиш, уларнинг бу борадаги билимларини баҳолаш тизими ва мониторинги каби масалалар эътибор марказида бўлди.

Мулоқот давомида  коррупцияга қарши курашишда Агентлик томонидан амалга оширилиши режалаштирилаётган ва амалга оширилаётган лойиҳаларда миллий ва халқаро ҳамкорларнинг методик, техник ва экспертлик кўмаги муҳим аҳамиятга эга экани алоҳида таъкидланди. 

Бу борада, хусусан, Коррупцияга қарши курашиш виртуал академиясини ташкил этишда техник кўмак кўрсатиш ва яқиндан ҳамкорлик қилиш масалалари атрофлича муҳокама қилинди.

Бундан ташқари,  давлат хизматчиларининг малакаси ва салоҳиятини ошириш мақсадида коррупцияга қарши курашиш бўйича махсус ўқув курсларини ташкил этиш,  ишга туширилиши режалаштирилган Гонконг академиясида ходимларни ўқитиш, қўшма тадбирлар ва лойиҳаларни амалга ошириш юзасидан фикр алмашилди.

Коррупцияга қарши курашиш агентлиги

Ахборот хизмати