Avval xabar berganimizdek, Agentlik tomonidan Bosh prokurutara, Oliy va o‘rta-maxsus ta’lim vazirligi hamda Agentlik huzuridagi Jamoatchilik kengashi vakillari ko‘magida respublika oliy ta’lim muassasalari professor-o‘qituvchilari va talabalari bilan uchrashuvlar tashkil etgan holda, ularning korrupsiyaga oid bilimlarini oshirish va bu boradagi davlat siyosatini, olib borilgan islohotlar mazmunini tushuntirish bo‘yicha turkum seminarlari o‘tkazib borilmoqda.

Seminarlar 26-28-may kunlari Toshkent shahrining 20 dan ortiq oliy ta’lim muassasalarida o‘tkazildi.
Reja asosida o‘tkazilayotgan seminarlarda Agentlik xodimlari Z.Quchqarov va M.Xo‘jayevlar, Agentlik huzuridagi Jamoatchilik kengashi a’zolari K.Kuliyev, B.Ismailov, Ichki ishlar vazirligi akademiyasi professori Sh.Qobilov, Toshkent davlat yuridik universiteti professori S.Niyozova, Toshkent shahar prokuraturasi mas’ul xodimi J.Kamilov hamda Ta’lim inspeksiyasi mas’ul xodimi J.Shamshiyevlar ma’ruza bilan ishtirok etdi.

Seminarlar yakunida ishtirokchi talaba yoshlarning savollariga javob berilib, taklif va fikr-mulohazalari tinglab borilmoqda.
Tadbirlar Agentlikning “Youtube” ijtimoiy tarmog‘ida onlayn translyatsiya qilib borilayotgan bo‘lib, 3 iyun kuniga qadar bo‘lib o‘tadi.