Korrupsiyaga qarshi kurashish bo‘yicha respublika idoralararo komissiyasining Ekspert guruhi a’zolari joriy yilning 2-5 sentyabr kunlari korrupsiyaga qarshi tashabbusni baholash tajribasini o‘rganish maqsadida Koreya Respublikasiga o‘quv-tanishuv safari bilan tashrif buyurdi.

Tashrif doirasida korrupsiyaga qarshi kurashish va fuqarolik xuquqlariga rioya qilish bo‘yicha Komissiyasida uch kunlik o‘quv seminari tashkil etildi.

Koreya Respublikasida korrupsiyaga qarshi kurashish va fuqarolik xuquqlariga rioya qilish bo‘yicha Komissiya o‘z ichiga mustaqil ravishda korrupsiyaga qarshi kurashish bo‘yicha, ma’muriy nizolarni ko‘rib chiqish bo‘yicha va inson xuquqlarini ximoya qilish bo‘yicha Komissiya (Ombudsman)ni oluvchi organ xisoblanadi.

O‘quv-seminarda korrupsiyaga qarshi kurashish va fuqarolik xuquqlariga rioya qilish bo‘yicha Komissiya raisi o‘rinbosari va korrupsiyaga qarshi kurashish bo‘yicha Komissiya raisi janob Lii Djonli hamda BMT Taraqqiyot Dasturining Seul markazi direktori Stefan Klingebiyellar ishtirok etishdi. 

Korrupsiyaga qarshi kurashish bo‘yicha Komissiya 2002 yildan boshlab korrupsiyaga qarshi tashabbusni baholashni va yaxlitlikni baholashni o‘z ichiga olgan korrupsiyaga qarshi tashabbusni miqdoriy va sifat jihatidan baholab kelmoqda. Birgina, 2018 yilning o‘zida Komissiya tomonidan 
700 dan ziyod turli darajadagi davlat organlari va tashkilotlarning faoliyati baholangan.

Baholash natijalariga ko‘ra, barcha organlarning reytingi tuziladi va Internet tarmog‘ida e’lon qilinadi. Korrupsiyaga qarshi kurashish va fuqarolik xuquqlariga rioya qilish bo‘yicha Komissiyasi huquqni muhofaza qiluvchi organlarning vakolatiga ega bo‘lmasada, uning nashr etgan hisobotlari davlat organlarida korruptsiyani oldini olish bo‘yicha institutsional choralarni joriy etish va takomillashtirishga kuchli turtki bo‘ladi.

O‘quv-seminar davomida orttirilgan tajriba korrupsiyaga qarshi kurashish bo‘yicha respublika idoralararo Komissiyasi faoliyatini takomillashtirishga va korruptsiyaga qarshi kurashish sohasida davlat organlari va tashkilotlarning faoliyatini yaxshilashga xizmat qiladi.