Жорий йилнинг 31 май куни Коррупцияга қарши курашиш агентлиги ва Конрад Аденауэр жамғармасининг Марказий Осиёдаги ваколатхонаси ҳамкорлигида "Давлат органларида коррупцияга қарши курашиш – Германия тажрибаси" мавзусидаги онлайн семинар ўтказилди.
Вебинарда Агентлик ҳамда қатор вазирлик ва идоралар, жумладан, Бош прокуратура, Ички ишлар, Адлия, Молия вазирликлари, Бош прокуратура хузуридаги Иқтисодий жиноятларга қарши курашиш Департаменти ходимлари қатнашди.
Мазкур семинарга эксперт сифатида Берлин федерал ерининг коррупцияга қарши курашиш маркази ўринбосари, катта прокурор Берн Келпин жалб этилди.
Тадбир давомида семинар қатнашчилари Коррупцияга қарши курашиш марказининг фаолияти ва Германиянинг давлат харидлари ва комплаенс-назорат тизимини жорий этиш соҳасидаги илғор тажрибаси билан яқиндан танишишди. Германиянинг самарали тажрибасини миллий қонунчиликка имплементация қилиш масалалари муҳокама этилди.