Korrupsiyaga qarshi kurashishda ikki tomonlama hamkorlikni rivojlantirish uchrashuvning asosiy mavzusiga aylandi. Xususan, ikki davlatda  korrupsiyaga qarshi kurashish sohasida amalga oshirilayotgan islohotlar, korrupsiyaga qarshi siyosatlarining ustuvor yo‘nalishlari va vazifalar yuzasidan fikr almashildi.

Shuningdek, korrupsiyaga nisbatan murosasiz munosabatni shakllantirishda fuqarolik jamiyati institutlari, OAV ishtirokini yanada kuchaytirish, huquqni muhofaza qiluvchi va sud organlari oldida turgan vazifalar, yangi institutlar va tartiblarni joriy etish zarurligiga e’tibor qaratildi. 

Uchrashuv yakuni bo‘yicha tomonlar o‘rtasida hamkorlikni yo‘lga qo‘yish, tegishli idoralar tajribasini o‘rganish hamda ikki davlat vakolatli idoralari o‘rtasida memorandum imzolash masalasini ko‘rib chiqishga kelishib olindi.