Korrupsiyaga qarshi kurashish agentligi tomonidan joriy yil yakuniga koʻra amalga oshiriladigan davlat organlarining korrupsiyaga qarshi kurashish boʻyicha faoliyati samaradorligini reyting baholash jarayonlarining xolisligi va shaffofligini ta’minlash maqsadida reyting baholashni mustaqil amalga oshiruvchi ekspertlar guruhida ishtirok etish boʻyicha arizalarni qabul qilish muddati 2022-yil 25-noyabrga qadar uzaytirilganini ma’lum qilamiz. 

Eslatib oʻtamiz, ekspertlar qoida tariqasida quyidagi talablarga javob berishi kerak:

➖Oʻzbekiston Respublikasi fuqarosi boʻlishi;
➖oliy ma’lumotga;
➖mutaxassisligi boʻyicha kamida 5 yillik ish stajiga;
➖korrupsiyaning oldini olish va unga qarshi kurashish sohasida bilim-koʻnikmalarga ega boʻlishi.
Ekspertlar guruhi Аgentlik direktori buyrugʻiga asosan 9 kishidan iborat tarkibda shakllantirilib, uning kamida 3 nafar a’zosi guruh ishida ishtirok yetishni bildirgan fuqarolik jamiyati institutlari vakillari orasidan tanlab olinadi.
Shunga koʻra, ekspertlar guruhi ishida ishtirok yetish istagida boʻlsangiz, ushbu arizani toʻldirib,  info@anticorruption.uz elektron pochta manziliga yuborishingizni soʻraymiz.

Korrupsiyaga qarshi kurashish agentligi
Axborot xizmati