Joriy yilning 2-fevral kuni Huquqni muhofaza qilish akademiyasida magistratura tinglovchilari, doktorantlar va mustaqil izlanuvchilar bilan O‘zbekiston Respublikasi Korrupsiyaga qarshi kurashish agentligi direktori Akmal Burxanovning uchrashuv bo‘lib o‘tdi.

Agentlik direktori mamlakatimizda korrupsiyaga oid davlat siyosatining asosiy yo‘nalishlari, korrupsiyaviy xavf-xatarlar yuqori bo‘lgan sohalar, davlat va xo‘jalik boshqaruvi organlarida korrupsiyaga qarshi ichki nazorat tizimini joriy etish, shuningdek davlat xaridlari sohasida korrupsiyaning oldini olish masalalarida amalga oshirilayotgan ishlar xususida atroflicha ma’lumotlar berdi. 

O‘z navbatida, Akademiya tadqiqotchilari o‘zlarining qiziqtirgan savollariga javob olish bilan birga, sohani takomillashtirish bo‘yicha taklif va tavsiyalarini bildirdilar.