Joriy yilning 10 fevral kuni Iqtisodiy hamkorlik va taraqqiyot tashkilotining Sharqiy Yevropa va Markaziy Osiyo davlatlari uchun korrupsiyaga qarshi kurashish tarmog‘ining Istanbul harakatlar rejasi doirasida 5- raund monitoringiga samarali tayyorgarlik ko‘rishga mas’ul vazirlik va idoralar uchun trening tashkil etildi.

Unda milliy koordinatorlar va kuzatuvchi mamlakatlarning boshqa tegishli hukumat vakillariga savolnomani to‘ldirish va monitoringning 5-raundida keyingi qadamlar haqida qo‘shimcha tushuntirishlar berildi.

Trening doirasida hozirda Istanbul harakatlar rejasining 5-raund monitoringini o‘tayotgan davlatlar Armaniston, Moldova va Ozarbayjon davlatlari tomonidan monitoring savolnomasini to‘ldirish jarayonida yuzaga kelayotgan muammo va savollar bilan tanishildi.

O‘zbekiston tomonidan monitoringga tayyorgarlik ko‘rishga mas’ul vazirlik va idoralar vakillari ishtirok etib, Monitoring jarayonini tashkil etish bilan bog‘liq qo‘shimcha ma’lumotlarga ega bo‘lishdi.