Korrupsiyaga qarshi kurashish agentligida Xotin-qizlar bayrami munosabati bilan Agentlikda faoliyat yuritayotgan ayollar uchun tantanali bayram tadbiri tashkil etildi.

Tadbir avvalida Agentlik direktori Akmal Burxanov nozik xilqat egalariga bayram tabrigini yo‘lladi.

Tabrikda ayollarning ijtimoiy-siyosiy, iqtisodiy hayotning faol ishtirokchisiga aylanib ulgurgani, xususan, korrupsiyaga qarshi kurashishdek dolzarb va masʼuliyatli faoliyatda ham ularning fidoyilik bilan xizmat qilayotgani alohida eʼtirof etildi.

Tadbir mobaynida davlat va jamiyat hayoti rivojida ana shunday beqiyos o‘ringa ega bo‘lgan qadrli opa-singillarimizga samimiy tilaklar bildirildi.

El ardog‘idagi sanʼatkorlar ( so‘z ustasi Zokir Ochildiyev, xonandalar Dilnoza Ismiyaminova va Aminzoda Jumaniyozov)ning chiqishlari bilan bayram tadbiri yana-da ko‘tarinki ruhda davom etdi.

Tadbir yakunida Agentlik ayollariga bayram sovg‘alari ulashildi.
 

Korrupsiyaga qarshi kurashish agentligi

Axborot xizmati