O‘zbekiston hukumati mamlakatda meva-sabzavotchilik tarmog‘ida qo‘shilgan qiymat zanjiri yaratishni rivojlantirish loyihasini moliyalashtirish uchun Yaponiya xalqaro hamkorlik agentligi (JICA)dan 200 mln AQSH dollari miqdorida imtiyozli qarz jalb qiladi. 

Loyihada ishtirok etuvchi moliya tashkilotlariga kreditlar o‘zbek so‘mida taqdim etiladi.

AQSH dollariga nisbatan o‘zbek so‘mining valyuta kursi tebranishlari tufayli yuzaga keladigan xarajatlar respublika byudjeti hisobidan qoplanadi.

Kreditlar loyiha tashabbuskorlariga Markaziy bankning asosiy stavkasida ajratiladi.

Loyiha respublikaning barcha viloyatlari va Qoraqalpog‘iston Respublikasida amalga oshiriladi.

Korrupsiyaga qarshi kurashish agentligi loyiha doirasida ajratilgan mablag‘larning maqsadli ishlatilishi jarayonida ochiqlik va oshkoralikni taʼminlash ustidan doimiy nazorat o‘rnatadi.

Korrupsiyaga qarshi kurashish agentligi

Axborot xizmati