Joriy yilning 26-sentabr kuni Korrupsiyaga qarshi kurashish agentligi hamda Osiyo Taraqqiyot banki vakillari o‘rtasida uchrashuv bo‘lib o‘tdi.

Mazkur muloqotdan ko‘zlangan maqsad loyihalarning holati va hamkorlikning istiqbollari muhokama qilish, ikki tomon o‘rtasida hamkorlik yo‘nalishlarini kengaytirishdan iborat.

Tadbirda “Iqtisodiy boshqaruvni yaxshilash dasturi” doirasida amalga oshirilgan ishlar muhokama qilindi, jumladan davlat xaridlari sohasida korrupsiyaviy xavf-xatarlarni aniqlash bo‘yicha elektron tizimini ishga tushirish jarayoni haqida Agentlik vakillari tomonidan maʼlumot berildi.

Bundan tashqari, uchrashuv doirasida, xalqaro ekspert D.Soyer ishtirokchilarni xalqaro xaridlarni monitoring qilish amaliyoti bilan tanishtirdi. Bu borada korrupsiyaga qarshi kurashishda va xalqaro tenderlarni o‘tkazishda maʼlumot manbalaridan foydalanish masalalari, xorijiy kontragentlarni tekshirish platformalari bo‘yicha havolalarni taqdim etdi.

Uchrashuv yakunida tomonlar kelgusidagi hamkorlik yo‘nalishlarini belgilab olib, davlat xaridlari sohasida elektron tizim va ochiq maʼlumotlardan xalqaro miqyosda foydalanish imkoniyatlarini yoritish bo‘yicha alohida uchrashuv tashkil etish va tadbir davomida yuzaga kelgan savollar bo‘yicha muhokamalarni davom ettirishga kelishib oldilar.

Korrupsiyaga qarshi kurashish agentligi

Axborot xizmati