Жорий йилнинг 3 май куни Коррупцияга қарши курашиш агентлигида “Норматив-ҳуқуқий ҳужжатлар ва уларнинг лойиҳаларини коррупцияга қарши экспертизаси” мавзусидаги туркум тренинглар ташкил этиш бўйича ишчи гуруҳ йиғилиши бўлиб ўтди.

Унда агентлик ходимлари, Адлия вазирлиги Тартибга солиш таъсирини баҳолаш бошқармаси раҳбарияти, БМТ Гиёхванд моддалар ва жиноятчилик бўйича бошқармасининг Марказий Осиёдаги минтақавий ваколатхонаси (БМТ ГЖБ) коррупцияга қарши курашиш бўйича Миллий Дастур офицери ва Россиянинг фанлар академияси Давлат ва ҳуқуқ институти профессори, эксперт Э.Талапина иштирок этишди.

Агентлик ва БМТ ГЖБ ўртасида 2021 йилга мўлжалланган тадбирлар режасига асосан, ташкил этилган учрашувда БМТ ГЖБ ходими ҳамда россиялик эксперт Ўзбекистон Республикасида Норматив-ҳуқуқий ҳужжатлар ва уларнинг лойиҳаларини коррупцияга қарши экспертизадан ўтказиш тизими, қонун ҳужжатлари, амалиёт каби масалалардан хабардор бўлишди.

Шунингдек, тадбир давомида режалаштирилган тадбирнинг ташкилий масалалари муҳокама қилиниб, тренингларни 2 босқичда ўтказиш, бунда 1-босқичда барча давлат органлари юридик хизмат вакилларини, 2-босқичда эса Агентлик, Адлия вазирлиги ва бошқа органлар экспертларини қамраб олиш юзасидан дастлабки келишувга эришилди.