Joriy yilning 3-may kuni Korrupsiyaga qarshi kurashish agentligida “Normativ-huquqiy hujjatlar va ularning loyihalarini korrupsiyaga qarshi ekspertizasi” mavzusidagi turkum treninglar tashkil etish bo‘yicha ishchi guruh yig‘ilishi bo‘lib o‘tdi.

Unda agentlik xodimlari, Adliya vazirligi Tartibga solish ta’sirini baholash boshqarmasi rahbariyati, BMT Giyoxvand moddalar va jinoyatchilik bo‘yicha boshqarmasining Markaziy Osiyodagi mintaqaviy vakolatxonasi (BMT GJB) korrupsiyaga qarshi kurashish bo‘yicha Milliy Dastur ofitseri va Rossiyaning fanlar akademiyasi Davlat va huquq instituti professori, ekspert E.Talapina ishtirok etishdi.

Agentlik va BMT GJB o‘rtasida 2021-yilga mo‘ljallangan tadbirlar rejasiga asosan, tashkil etilgan uchrashuvda BMT GJB xodimi hamda rossiyalik ekspert O‘zbekiston Respublikasida Normativ-huquqiy hujjatlar va ularning loyihalarini korrupsiyaga qarshi ekspertizadan o‘tkazish tizimi, qonun hujjatlari, amaliyot kabi masalalardan xabardor bo‘lishdi.

Shuningdek, tadbir davomida rejalashtirilgan tadbirning tashkiliy masalalari muhokama qilinib, treninglarni 2 bosqichda o‘tkazish, bunda 1-bosqichda barcha davlat organlari yuridik xizmat vakillarini, 2-bosqichda esa Agentlik, Adliya vazirligi va boshqa organlar ekspertlarini qamrab olish yuzasidan dastlabki kelishuvga erishildi.