Коррупцияга қарши курашиш жараёнларида давлат идоралари, фуқаролик жамияти институтлари ва кенг аҳоли вакилларининг иштироки муҳим ҳисобланади. Ушбу институтлардан ҳудудлар миқёсида фойдаланиш ҳам бу борадаги ишлар самарадорлигини ошириши табиий. Шу мақсадда барча ҳудудларда Коррупцияга қарши курашиш ҳудудий кенгашининг таъсис мажлиси ташкил этилмоқда.

Хусусан, жорий йилнинг 14 октябрь куни Термиз шаҳрида Сурхондарё вилояти Коррупцияга қарши курашиш ҳудудий кенгашининг таъсис мажлиси бўлиб ўтди.

Йиғилишда халқ депутатлари Сурхондарё вилояти Кенгаши раиси, Коррупцияга қарши курашиш ҳудудий кенгаши раиси Тўра Боболов,  Коррупцияга қарши курашиш агентлиги директори ўринбосари Умида Тухташева, Ўзбекистон Республикаси Давлат солиқ қўмитаси раиси ўринбосари Мирзиёд Махкамов, Адлия вазирлигининг вакиллари ҳамда ҳудудий кенгашнинг аъзолари иштирок этишди.

Унда коррупцияга қарши курашиш йўналишида амалга оширилаётган чора-тадбирлар ва ҳудудий кенгашларнинг ўрни, бюджет ва инвестиция маблағларининг самарали сарфланиши ва давлат харидлари жараёнларида уларнинг иштироки тўғрисида маълумотлар берилди.

Йиғилиш якунида ҳудудда коррупцияга қарши курашиш жараёнларини бартараф этиш, аҳоли орасида тушунтириш ишларини олиб бориш, вилоятда мавжуд муаммолар ечими юзасидан таклифлар тақдим этиш бўйича ҳудудий кенгаш аъзоларининг вазифалари белгилаб берилди.