Коррупцияга қарши курашиш агентлиги, Буюк Британиянинг Ўзбекистондаги дипломатик ваколатхонаси ва Ҳукуматлараро Ҳамкорлик Хизмати (GPI) ўртасида имзоланган уч томонлама англашув Меморандумига мувофиқ, жорий йилнинг 15 февраль куни Агентлик ходимлари учун онлайн семинар ташкил этилди.

Тадбирда GPIнинг Марказий Осиё бўйича маслаҳатчиси Майкл Галлахер ва Буюк Британия Адлия вазирлигининг давлат харидлари бўйича масъул мутахассиси Метю Уорд томонидан мамлакатда марказий ҳукумат харидлари сиёсатининг шаклланиши, унинг устувор вазифалари, қолаверса, ушбу йўналишда қабул қилинган асосий норматив-ҳуқуқий ҳужжатлар ва соҳага оид бир қатор муҳим масалалар юзасидан тақдимот ўтказилди.

Буюк Британияда давлат харидлари тизимининг асосий кучли томонлари халқаро ҳамкорлик, маблағларнинг самарали ишлатилиши ҳамда шаффофлик, юқори, аммо мослашувчан бўлган стандартлар ва ижтимоий қийматлиги таъкидлаб ўтилди.

Коррупцияга қарши курашиш агентлиги 
Ахборот хизмати