Korrupsiyaga qarshi kurashish agentligi, Buyuk Britaniyaning Oʻzbekistondagi diplomatik vakolatxonasi va Hukumatlararo Hamkorlik Xizmati (GPI) oʻrtasida imzolangan uch tomonlama anglashuv Memorandumiga muvofiq, joriy yilning 15-fevral kuni Agentlik xodimlari uchun onlayn seminar tashkil etildi.

Tadbirda GPIning Markaziy Osiyo boʻyicha maslahatchisi Maykl Gallaxer va Buyuk Britaniya Adliya vazirligining davlat xaridlari boʻyicha masʼul mutaxassisi Metyu Uord tomonidan mamlakatda markaziy hukumat xaridlari siyosatining shakllanishi, uning ustuvor vazifalari, qolaversa, ushbu yoʻnalishda qabul qilingan asosiy normativ-huquqiy hujjatlar va sohaga oid bir qator muhim masalalar yuzasidan taqdimot oʻtkazildi.

Buyuk Britaniyada davlat xaridlari tizimining asosiy kuchli tomonlari xalqaro hamkorlik, mablagʻlarning samarali ishlatilishi hamda shaffoflik, yuqori, ammo moslashuvchan boʻlgan standartlar va ijtimoiy qiymatligi taʼkidlab oʻtildi.

Korrupsiyaga qarshi kurashish agentligi 
Axborot xizmati