Жорий йилнинг 8 апрель куни Коррупцияга қарши курашиш агентлиги ҳамда Словениянинг Йозеф Штефан институти ҳамда “Минтақавий мулоқот” халқаро нодавлат ташкилоти вакиллари ўртасида учрашув ташкил этилди.

Маълумот учун: Словениянинг Ёзеф Штефан институти билан алоқалар 2021 йилнинг октябрь ойида Агентлик директори раҳбарлигидаги Ўзбекистон делегациясининг Словенияга ташрифи давомида ўрнатилган.

Айни кунларда институтнинг сунъий интеллект соҳадаги экспертлари М.Гробел, М.Жермол, Д.Бозич ҳамда Д.Жустинеклар Ўзбекистонга ташриф буюрган.

Учрашувда Агентлик директори Акмал Бурханов томонидан коррупцияга қарши курашиш бўйича юртимизда сўнгги йилларда олиб борилган ислоҳотлар, шу жумладан коррупциянинг олдини олишда рақамлаштириш бўйича олиб борилаётган ишлар хусусида маълумот бериб ўтди.

Ўз навбатида, “Минтақавий мулоқот” халқаро нодавлат ташкилоти раҳбари Мюша Север ҳамда Ўзбекистонга ташриф билан бўлиб турган Словениянинг Ёзеф Штефан институти экспертлари томонидан бу борадаги Словения тажрибаси, айниқса, сунъий интеллектдан фойдаланиш бўйича маълумотлар бериб ўтилди.

Маълумот учун: Словениядаги Ёзеф Штефан институти олимлари томонидан яратилган сунъий интеллект алгоритми ёрдамида бугунги Словенияда давлат бюджети маблағлари сарфланишини мониторинг қилишга мўлжалланагн ERAR порталининг асоси яратилган.

Ўзаро мулоқот тарзида ташкил этилган мазкур учрашув якунида икки томон вакиллари томонидан давлат хизматчилари мол-мулки ва даромадларини декларациялашда ҳамда давлат харидларини мониторинг қилишда ҳамкорлик алоқаларини давом эттириш, Словения тарафи томонидан бу борада экспертлик кўмагини кўрсатиш бўйича  келишиб олинди.

Коррупцияга қарши курашиш агентлиги
Ахборот хизмати