Ўзбекистон Республикаси Санитария-эпидемиологик осойишталик ва жамоат саломатлиги хизматида Санитария-эпидемиология Кенгашининг 2022 йил 1-чоракка мўлжалланган йиғилишида коррупцияга қарши муросасиз курашни кучайтириш, хизмат фаолиятида  шаффофликни таъминлаш ҳам кун тартибидаги асосий масалалардан бири бўлди. 

Йиғилишда Ўзбекистон Республикаси Бош давлат санитария врачининг соҳа ходимларига мурожаатномаси ўқиб эшиттирилди. 

Мурожаатномада соҳада асосий мақсадлардан бири Санитария-эпидемиология хизматини коррупциясиз тизимга айлантириш эканлиги таъкидланди. 

Ўз навбатида, Агентлик масъул ходими жорий йил Агентлик томонидан Соғлиқни сақлаш вазирлиги ва бошқа вазирлик-идоралар ҳамкорлигида ишлаб чиқилган “Коррупциясиз соҳа” лойиҳасини амалга ошириш юзасидан 2022-2023 йилларга мўлжалланган “Йўл харита”лари  ва уларда белгиланган мақсад-вазифалар хусусида маълумот бериб ўтди.

Шунингдек, мазкур йўналишда Агентлик Санитария-эпидемиологик осойишталик ва жамоат саломатлиги хизмати билан ҳамкорликда ишлашга, мутахассисларга амалий ёрдам кўрсатишга доим тайёр эканлигини билдирди. 

Коррупцияга қарши курашиш агентлиги
 Ахборот хизмати