Жорий йилнинг 6 июнь куни Буюк Британиянинг Ўзбекистондаги элчихонаси томонидан Коррупцияга қарши курашиш агентлиги кўмагида  ташкил этилган "Юқори даражадаги мансабдор шахсларда ҳалоллик стандартларини шакллантириш" мавзусида ўқув курслари бошланди. 

4 кун давом этадиган мазкур ўқув курсларига Буюк Британиянинг турли соҳалардаги экспертлари  жалб этилган бўлиб, унда Коррупцияга қарши курашиш агентлиги, Бош прокуратура, Адлия, Ички ишлар, Мудофаа, Иқтисодий тараққиёт ва камбағалликни қисқартириш вазирликлари ҳамда Миллий гвардиянинг 30 нафарга яқин вакиллари иштирок этмоқда. 

Иштирокчилар сафида қўшни мамлакатлар (Қозоғистон, Қирғизистон ва Тожикистон Республикалари) вакиллари ҳам бор.

Ўқув курслари давомида Буюк Британияда ҳалоллик стандартларининг жорий этилиши, давлат хизматида етакчилик, молиявий бошқарув ва инсон ресурсларидан фойдаланиш, давлат харидларини ташкил этиш, ОАВ ва жамоатчилик билан самарали ишлаш мавзуларида маълумотлар берилмоқда. 

Шунингдек,  иштирокчиларни қизиқтирган саволлар юзасидан амалий мулоқотлар ташкил этилмоқда.  

Тадбир якунида барча иштирокчиларга тегишли сертификатлар топширилиши кўзда тутилган. 

Коррупцияга қарши курашиш агентлиги

Ахборот хизмати