Президентимизнинг 2021 йил 6 июлдаги “Коррупцияга қарши курашиш фаолиятини самарали ташкил этишга доир қўшимча чора-тадбирлар тўғрисида”ги қарорига мувофиқ, барча давлат органлари ва ташкилотларида коррупция ҳолатларининг сабаб ва шарт-шароитларини аниқлаш, уларни бартараф этишнинг янгича механизми яратилди.

Хусусан, “Ўзсаноатқурилишбанк” тизимида коррупцияга қарши курашиш, мижозларга хизмат кўрсатишда очиқлик ва шаффофликни таъминлаш ҳамда бу борада жамоатчилик билан самарали алоқани йўлга қўйиш мақсадида  24/7 режимида фаолият кўрсатувчи “Комплаенс ишонч линияси” ишга туширилди. 

Халқаро стандартлар асосида ишлайдиган бундай антикоррупцион тизим самараси ўлароқ жорий йилнинг 14 июль куни "Ўзсаноатқурилишбанк”ка коррупцияга қарши курашиш менежмент тизимининг ISO 37001:2016 халқаро стандарти талабларига мувофиқлик сертификати тақдим этилди. 

Ушбу халқаро стандарт банк томонидан уч бўғинда — республика, вилоят ва туман кесимида жорий қилинади.

Мазкур сертификат коррупциянинг ҳар қандай кўринишига муросасиз муносабатни англатади, шунингдек, хусусийлаштириш жараёнида инвесторлар ва бизнес ҳамкорлар ишончини оширишга хизмат қилади.

Коррупцияга қарши курашиш агентлиги

Ахборот хизмати