Гиёҳванд моддаларни назорат қилиш ва ҳуқуқни муҳофаза қилиш ишлари бюроси Давлат котиби ёрдамчиси ўринбосари Лиза А. Джонсоннинг Ўзбекистонда ташрифи доирасида Агентлик директори ўринбосари У.Тухташева билан учрашуви бўлиб ўтди.

Маълумот учун: Халқаро гиёҳванд моддалар ва ҳуқуқни муҳофаза қилиш ишлариишлариишларилари бюроси (INL) мамлакатларга ёрдам кўрсатиш учун жойларда ҳукуматлар ва фуқароларнинг жамиятда очиқлик, масъулият ва ҳалолликни оширишга кўмаклашиш, шунингдек, коррупциянинг олдини олиш бўйича амалий чора-тадбирлар ишлаб чиқиш бўйича иш олиб боради.

Учрашув давомида Америка томонига Ўзбекистонда коррупцияга қарши курашиш соҳасида олиб борилаётган изчил ислоҳотлар ва Агентлик томонидан илгари сурилган ташаббуслар ҳақида маълумот берилди. Жумладан, коррупцияга қарши курашиш соҳасида қабул қилинган муҳим норматив-ҳуқуқий ҳужжатлар, Миллий ва ҳудудий кенгашлар фаолияти, очиқлик, комплаенс-назорат ва рейтинг баҳолаш тизими ҳақида фикр алмашилди.

Шунингдек, икки томонлама ҳамкорликнинг келгусидаги йўналишлари муҳокама этилди. Жумладан, томонлар Агентлик ходимлари ва давлат хизматчиларининг малакаси ва салоҳиятини ошириш, Минтақавий аксилкоррупция хабини ташкил этиш, коррупцияга қарши курашиш бўйича махсус ўқув курслари, тренингларни ташкил этиш ҳамда доимий эксперт ёрдами кўрсатиш, қўшма тадбирлар ва лойиҳаларни амалга ошириш юзасидан фикр алмашишди.

Коррупцияга қарши курашиш агентлиги

Ахборот хизмати