Giyohvand moddalarni nazorat qilish va huquqni muhofaza qilish ishlari byurosi Davlat kotibi yordamchisi oʻrinbosari Liza A. Djonsonning Oʻzbekistonda tashrifi doirasida Agentlik direktori oʻrinbosari U.Tuxtasheva bilan uchrashuvi boʻlib oʻtdi.

Maʼlumot uchun: Xalqaro giyohvand moddalar va huquqni muhofaza qilish ishlariishlariishlarilari byurosi (INL) mamlakatlarga yordam koʻrsatish uchun joylarda hukumatlar va fuqarolarning jamiyatda ochiqlik, masʼuliyat va halollikni oshirishga koʻmaklashish, shuningdek, korrupsiyaning oldini olish boʻyicha amaliy chora-tadbirlar ishlab chiqish boʻyicha ish olib boradi.

Uchrashuv davomida Amerika tomoniga Oʻzbekistonda korrupsiyaga qarshi kurashish sohasida olib borilayotgan izchil islohotlar va Agentlik tomonidan ilgari surilgan tashabbuslar haqida maʼlumot berildi. Jumladan, korrupsiyaga qarshi kurashish sohasida qabul qilingan muhim normativ-huquqiy hujjatlar, Milliy va hududiy kengashlar faoliyati, ochiqlik, komplayens-nazorat va reyting baholash tizimi haqida fikr almashildi.

Shuningdek, ikki tomonlama hamkorlikning kelgusidagi yoʻnalishlari muhokama etildi. Jumladan, tomonlar Agentlik xodimlari va davlat xizmatchilarining malakasi va salohiyatini oshirish, Mintaqaviy aksilkorrupsiya xabini tashkil etish, korrupsiyaga qarshi kurashish boʻyicha maxsus oʻquv kurslari, treninglarni tashkil etish hamda doimiy ekspert yordami koʻrsatish, qoʻshma tadbirlar va loyihalarni amalga oshirish yuzasidan fikr almashishdi.

Korrupsiyaga qarshi kurashish agentligi

Axborot xizmati