Агентлик томонидан Қорақалпоғистон Республикаси, вилоятлар ва Тошкент шаҳар коррупцияга қарши курашиш ҳудудий кенгашлари учун ҳудудларда коррупциянинг олдини олиш бўйича белгиланган вазифалар ижросини таъминлаш, соҳага оид қабул қилинаётган норматив-ҳуқуқий ҳужжатларнинг мазмун-моҳиятини етказиш мақсадида туркум семинарлари ташкил этилиб борилмоқда.

Жумладан, жорий йилнинг 19-октябрь куни коррупцияга оид ҳуқуқбузарликлар учун жавобгарликлар тўғрисида маълумот берилди.

Семинарда коррупцияга ҳудудий кенгашларнинг 200 га яқин вакиллари иштирок этди. Агентлик масъул ходимлари томонидан иштирокчиларга тақдимот ташкил этилиб, ушбу йўналишнинг асосий жиҳатлари ва режалаштирилётган янгиликлар ва ўзгаришлар тўғрисида маълумот берилди.

Хусусан, Жиноят кодексида коррупцияга оид жиноятлар тизимлаштирилиши, шбу тоифадаги жиноятлар учун жавобгарлик оғирлаштирилиши юзасидан таклифлар  киритлганлиги айтиб ўтилди.

Шу билан бирга, ҳудудларга оид коррупциявий жиноятлар таҳлилига ҳам тўхталиб ўтилди. Ушбу салбий кўрсаткичларни бартараф этиш ва бошқа коррупция хавфи юқори бўлган соҳаларда жамоатчилик назоратини кучайтириш, ҳудудлардаги академик доиралар, ННТ, ОАВ ва ҳуқуқни муҳофаза қилувчи органлар вакилларидан иборат экспертлар гуруҳларини ташкил этиш масалалари муҳокама этилди.

Коррупцияга қарши курашиш жараёнларига фуқаролик жамияти институтларини фаол жалб этишга қаратилган танлов ғолиби бўлган ҳудудлардаги ННТлар билан алоқаларни йўлга қўйиш ва лойиҳаларда кўзда тутилган барча вазифаларни ҳамкорликда амалга ошириш лозимлиги қайд этилди.

Ўз навбатида ҳудудий кенгаш аъзоларидан ҳам коррупцияга қарши курашиш жараёнларига ОАВ ва журналистларни жалб қилишдаги юзага келаётган муаммолар ҳақида тўхталиб ўтишди ва бу муаммони бартараф этиш бўйича ўз таклифларини билдирди.

Тадбир якунида ҳудудий кенгаш аъзолари томонидан кун тартибидаги мавзулар юзасидан таклиф ва мулоҳазалар билдирилди.

Коррупцияга қарши курашиш агентлиги

Ахборот хизмати