Agentlik tomonidan Qoraqalpog‘iston Respublikasi, viloyatlar va Toshkent shahar korrupsiyaga qarshi kurashish hududiy kengashlari uchun hududlarda korrupsiyaning oldini olish bo‘yicha belgilangan vazifalar ijrosini ta’minlash, sohaga oid qabul qilinayotgan normativ-huquqiy hujjatlarning mazmun-mohiyatini yetkazish maqsadida turkum seminarlari tashkil etilib borilmoqda.

Jumladan, joriy yilning 19-oktabr kuni korrupsiyaga oid huquqbuzarliklar uchun javobgarliklar to‘g‘risida ma’lumot berildi.
 

Seminarda korrupsiyaga hududiy kengashlarning 200 ga yaqin vakillari ishtirok etdi. Agentlik mas’ul xodimlari tomonidan ishtirokchilarga taqdimot tashkil etilib, ushbu yo‘nalishning asosiy jihatlari va rejalashtirilyotgan yangiliklar va o‘zgarishlar to‘g‘risida ma’lumot berildi.

Xususan, Jinoyat kodeksida korrupsiyaga oid jinoyatlar tizimlashtirilishi, shbu toifadagi jinoyatlar uchun javobgarlik og‘irlashtirilishi yuzasidan takliflar  kiritlganligi aytib o‘tildi.

Shu bilan birga, hududlarga oid korrupsiyaviy jinoyatlar tahliliga ham to‘xtalib o‘tildi. Ushbu salbiy ko‘rsatkichlarni bartaraf etish va boshqa korrupsiya xavfi yuqori bo‘lgan sohalarda jamoatchilik nazoratini kuchaytirish, hududlardagi akademik doiralar, NNT, OAV va huquqni muhofaza qiluvchi organlar vakillaridan iborat ekspertlar guruhlarini tashkil etish masalalari muhokama etildi.

Korrupsiyaga qarshi kurashish jarayonlariga fuqarolik jamiyati institutlarini faol jalb etishga qaratilgan tanlov g‘olibi bo‘lgan hududlardagi NNTlar bilan aloqalarni yo‘lga qo‘yish va loyihalarda ko‘zda tutilgan barcha vazifalarni hamkorlikda amalga oshirish lozimligi qayd etildi.
 

O‘z navbatida hududiy kengash a’zolaridan ham korrupsiyaga qarshi kurashish jarayonlariga OAV va jurnalistlarni jalb qilishdagi yuzaga kelayotgan muammolar haqida to‘xtalib o‘tishdi va bu muammoni bartaraf etish bo‘yicha o‘z takliflarini bildirdi.

Tadbir yakunida hududiy kengash a’zolari tomonidan kun tartibidagi mavzular yuzasidan taklif va mulohazalar bildirildi.

Korrupsiyaga qarshi kurashish agentligi

Axborot xizmati