Жорий йилнинг 26 октябрь куни Страсбург (Франция) шаҳрида Европа Кенгашининг Конвенциялари бўйича семинари ўз ишини бошлади.

Семинар Европа Кенгаши Котибиятининг Европа Иттифоқи (ЕИ) ва Европа Кенгаши (ЕК)нинг “Марказий Осиёда қонун устуворлигини таъминлаш” бўйича дастури доирасида ташкил этилди.

Тадбирнинг асосий мақсади - ЕКнинг шартномалари тизими ҳамда ЕКга аъзо бўлмаган давлатлар томонидан уларга қўшилиш тартиби ва ўзига хосликлари билан яқиндан таништириш, конвенцияларда белгиланган мажбуриятлар ҳамда афзалликлар тўғрисида батафсил маълумот беришдан иборат.

Шунингдек, конвенциялар тўғрисида янги билим ва кўникмаларни шакллантириш ҳам кўзда тутилган.

Унда Агентлик маъсул ходими Ўзбекистонда коррупцияга қарши курашиш сиёсатини такомиллаштириш борасида олиб борилаётган чора-тадбирлар, қабул қилинган норматив ҳуқуқий ҳужжатлар ва давлат дастурлари, Агентлик томонидан коррупциянинг олдини олишда амалга оширилаётган ислоҳотлар ҳамда лойиҳалар, шунингдек, Ўзбекистон томонидан халқаро шартномаларнинг бажарилиши ҳолати юзасидан маъруза билан иштирок этиши режалаштирилган.

Семинар 28 октябргача давом этади.

Коррупцияга қарши курашиш агентлиги

Ахборот хизмати