Joriy yilning 26-oktabr kuni Strasburg (Fransiya) shahrida Yevropa Kengashining Konvensiyalari bo‘yicha seminari o‘z ishini boshladi.

Seminar Yevropa Kengashi Kotibiyatining Yevropa Ittifoqi (YI) va Yevropa Kengashi (YK)ning “Markaziy Osiyoda qonun ustuvorligini ta’minlash” bo‘yicha dasturi doirasida tashkil etildi.

Tadbirning asosiy maqsadi - YKning shartnomalari tizimi hamda YKga a’zo bo‘lmagan davlatlar tomonidan ularga qo‘shilish tartibi va o‘ziga xosliklari bilan yaqindan tanishtirish, konvensiyalarda belgilangan majburiyatlar hamda afzalliklar to‘g‘risida batafsil ma’lumot berishdan iborat.

Shuningdek, konvensiyalar to‘g‘risida yangi bilim va ko‘nikmalarni shakllantirish ham ko‘zda tutilgan.

Unda Agentlik ma’sul xodimi O‘zbekistonda korrupsiyaga qarshi kurashish siyosatini takomillashtirish borasida olib borilayotgan chora-tadbirlar, qabul qilingan normativ huquqiy hujjatlar va davlat dasturlari, Agentlik tomonidan korrupsiyaning oldini olishda amalga oshirilayotgan islohotlar hamda loyihalar, shuningdek, O‘zbekiston tomonidan xalqaro shartnomalarning bajarilishi holati yuzasidan ma’ruza bilan ishtirok etishi rejalashtirilgan.

Seminar 28-oktabrgacha davom etadi.

Korrupsiyaga qarshi kurashish agentligi

Axborot xizmati