“World justice project” халқаро ташкилотининг Ҳуқуқ устуворлиги индексининг 2022-йилги натижалари эълон қилинди.
Янгиланган рейтингга кўра, Ўзбекистоннинг умумий рейтинги 7 поғона кўтарилиб, 140 мамлакат орасида 78-ўринни эгаллади (2021 йилда Ўзбекистон 85-ўринни эгаллаган эди). 

Маълумот учун: мазкур рейтингда экспертлар томонидан мамлакатларда қонунийликни таъминлашга қаратилган ислоҳотлар самарадорлиги, шунингдек ушбу йўналишдаги ислоҳотларнинг аҳоли кундалик ҳаётга таъсири баҳоланади.

Аҳамиятлиси индекснинг “Коррупциянинг мавжуд эмаслиги” факторида ҳам мамлакитимиз кўрсаткичида ўсиш қайд этилиб, 0.47 балл билан 66-ўринга кўтарилган (охирги эълон қилинган рейтингда 0.46 балл билан 70-ўринни эгаллаган).

Таъкидлаш лозимки, мамлакатимизнинг коррупцияга оид ушбу фактордаги кўрсаткичлари сўнгги 5 йил давомида мунтазам равишда кўтарилиб келмоқда  (2016-йилда 0.33 балл билан 113 мамлакат орасида 96-ўринни эгаллаган).

Ўзбекистоннинг ушбу рейтингдаги кўрсаткичларининг яхшиланиб бораётгани мамлакатимизда амалга оширилаётган амалий ислоҳотларнинг самарасидан далолат беради.

Коррупцияга қарши курашиш агентлиги

Ахборот хизмати