“World justice project” xalqaro tashkilotining Huquq ustuvorligi indeksining 2022-yilgi natijalari e’lon qilindi.
Yangilangan reytingga ko‘ra, O‘zbekistonning umumiy reytingi 7 pog‘ona ko‘tarilib, 140 mamlakat orasida 78-o‘rinni egalladi (2021 yilda O'zbekiston 85-o'rinni egallagan edi). 
Ma’lumot uchun: mazkur reytingda ekspertlar tomonidan mamlakatlarda qonuniylikni ta’minlashga qaratilgan islohotlar samaradorligi, shuningdek ushbu yo‘nalishdagi islohotlarning aholi kundalik hayotga ta’siri baholanadi.
Ahamiyatlisi indeksning “Korrupsiyaning mavjud emasligi” faktorida ham mamlakitimiz ko‘rsatkichida o‘sish qayd etilib, 0.47 ball bilan 66-o‘ringa ko‘tarilgan (oxirgi e’lon qilingan reytingda 0.46 ball bilan 70-o‘rinni egallagan).
Ta’kidlash lozimki, mamlakatimizning korrupsiyaga oid ushbu faktordagi ko‘rsatkichlari so‘nggi 5 yil davomida muntazam ravishda ko‘tarilib kelmoqda  (2016-yilda 0.33 ball bilan 113 mamlakat orasida 96-o‘rinni egallagan).
O‘zbekistonning ushbu reytingdagi ko’rsatkichlarining yaxshilanib borayotgani mamlakatimizda amalga oshirilayotgan amaliy islohotlarning samarasidan dalolat beradi.

Korrupsiyaga qarshi kurashish agentligi

Axborot xizmati