Жорий йилнинг 16 ноябрь куни Агентлик раҳбарияти ва Халқаро ҳамкорлик бўйича Германия жамияти Ваколатхонаси (GIZ) вакиллари ўртасида учрашув ташкил этилди.
Учрашувда GIZнинг амалдаги “Марказий Осиёда ҳуқуқий давлатчиликни ривожлантириш” дастури томонидан ишлаб чиқилган “Ўзбекистонда самарали бошқарув” лойиҳаси доирасида Агентлик билан амалга ошириладиган ишлар муҳокама этилди.

Дастлаб, мамлакатимизда коррупцияга қарши курашиш соҳасида олиб борилаётган чора-тадбирлар, қўлланилаётган норматив-ҳуқуқий ҳужжатлар, мазкур йўналишда Агентлик томонидан амалга оширилаётган лойиҳалар тўғрисида қисқача маълумот берилди.
Шундан сўнг “Ўзбекистонда самарали бошқарув” лойиҳасининг асосий мақсадлари ва фаолият йўналишлари, амалга ошириш муддатлари, бунда Ўзбекистон томонидан жалб этилган ҳамкор вазирлик ва идоралар юзасидан фикр алмашилди.

Таъкидланганидек, мазкур лойиҳа доирасида коррупцияга қарши курашиш йўналишида кадрлар салоҳиятини кучайтириш, техник кўмак кўрсатиш, давлат ташкилотлари фаолиятида ҳамда давлат харидлари жараёнида очиқликни таъминлаш, шунингдек, коррупциянинг олдини олишда информацион технологиялардан кенг фойдаланиш масалаларида ҳамкорликни қилиш кўзда тутилган. 

Шу билан бир қаторда, хорижий вакиллар томонидан Ўзбекистонда коррупцияга қарши курашиш бўйича стратегиялар, қонун ҳужжатлари ва лойиҳаларни ишлаб чиқишда экспертлик кўмагини кўрсатишга тайёр эканликлари маълум қилинди.

Коррупцияга қарши курашиш агентлиги

Ахборот хизмати